Дарындылардың олимпиадасында біздің шәкірттер топ жарды!!!!!!!!!
Дарындылардың олимпиадасында
біздің шәкірттер топ жарды!!!!!!!!!
Физика - техникалық бағыттағы мектепте шәкірт тәрбиелеп жатқанымызды әрқашан кеуде керіп, мақтана айтып жүреміз. Біздің шәкірттеріміз қай кезде болмасын, осы бағытта дұрыс жұмыс жасап жатқанымызды дәлелдеп жүреді. Кеше ғана Астана қаласы бойынша 5 - 6 - сыныптар арасында өткен "Зерде" олимпиадасында біздің үздіктер топ жарды. Екі сынып арасындағы дарындылар додасында Сахантаев Ади (5 - сынып) және Абуов Абузер (6 - сынып) І орынды иеленді. Міне, біздің мақтаныштарымыз!!! Айта кететін жайт, бұл "Зерде" олимпиадасын дарынды балаларға арналған №9 "Зерде" мектебі ұйымдастырған болатын. Ал игі бастаманы бірнеше жыл бұрын қолға алып, негізін қалаған ол, әрине - білікті басшымыз Куралай Байтажикова Амангелдіқызы болатын. Мінеки, ол кісі бүгінде басқа білім ошағының тізгінін ұстап отырса да, "Зерде" олимпиадасы жалғасын табуда, ал қазіргі мектептегі шәкірттері жүлдені қолдан бермей, мықтылықтарын дәлелдеп жатыр. Осы ретте, оқушыларды дайындаған ұстаздар Нұрланбек Табыс және Бәзікей Нұрғали мырзаларға алғыс білдіреміз! Еңбектеріңіз жана берсін!!!
