Образование
02.09.2020
Мектебіміздің грант иегерлері
Құрметті мектеп ұжымы, ата-аналар және оқушылар! Көптен күткен конкурстың нәтижесі шығып, толассыз алғыс хаттар мен сүйінші жаңалықтар бәрімізді бір серпілтіп тастады.
Біздің шәкірттеріміз еліміздің ең беделді оқу орындарының ең жақсы мамандықтары бойынша мемлекеттік грантты ұтып алды.
Біздің мектеп жаратылыстану-математикалық бағытында болғандықтан, оқушыларымыз таңдау пәндері барысында математика, физика және химия пәндеріне басымдылық танытты. Ұстаздарымыздың берген білімі мен тәрбиесінің нәтижесінде осындай мақтан тұтарлық жетістіктерге жетіп отырмыз.
Мемлекеттік грантқа өтініш берген 57 оқушының 51-і мемлекеттік грант иегері атанды. Назарбаев университетіне 6 оқушы грантқа түсті. Атап айтсақ, Айқын Естай, Бекеметқызы Ақерке, Бисенбайұлы Алмас, Қуанған Ерсұлтан, Мекеқызы Минар, Қуанов Али.
Мектебіміздің 3 оқушысы жалпы білім бағдарламасын үздік аяқтап, алтын белгі иегері атанып,мемлекеттік грантты қанжығаларына байлады. Олар Серікұлы Жақсан, Жұмабек Нұрахмет, Болатбек Інжу.
Барлық оқушыларымызды, білім берген ұстаздарымызды және жанашырлық пен қолдауларын аямаған ата-аналарды осы жетістіктерімен шын жүректен құттықтаймыз!
