«Ұлттық КОД, домбыра-ата-баба мұрасы» атты марафон
Наурыз мерекесі қарсаңында №73 мектеп - лицейінде музыка пәнінінің мұғалімі Айгүл Какімқызының бастамасымен «Ұлттық КОД, домбыра-ата-баба мұрасы» атты марафон ұйымдастырылды. Марафонға ата-аналар және оқушылар, мектеп ұстаздары белсене ат салысты. Марафон барысында тіпті домбыра шерту білмейтін кісілерге №3 балалар музыка мектебінің домбыра пәнінің мұғалімі Ибрагимова Анар Ақбаевна және мектебіміздегі домбыра үйірмесінің жетекшісі Бекжанов Сәкен мырза мастер - класс өткізді. Марафон соңында жетпістен асып, сексеннің сеңгеріне шыққан ақсақалымыз, баба мұрасын насиxаттап жүрген күйшіміз Едигеев Кайырбек атамыз Құрманғазының "Сарыарқа" күйін ойнағанда асқан шеберлік танытып, жүлдегер атанды. Марафон жүлдегеріне мектеп ұжымының әдемі тілегі жазылған домбыра сыйға тартылды. Арнайы уақыт бөліп, аталмыш марафонға қатысқан ата-аналарымызға алғысымыз шексіз.Болашақта марафон өз жалғасын табады деген сенімдеміз.
